ماساه حوريه الفصل الجديد كامل بقلم فريدة اجمد
ياموسي بيه البنت متنفعكش.. اديك قولت متطلقة
وجنابك يعني مبتتجوزش غير بنت البنوت
موسي.... البت دخلت مزاجي. ...وبعدين هو انت اللي بتشوف اللي ينفعني وايه اللي ماينفعنيش مالك يا كامل ماتظبط... اسمع انا عاوز البت دي ف يا تجيبها وهي راضية يا هتصرف انا
كامل بلع ريقه وقال... حاضر.. حاضر جنابك
......
قام جوزها وهو بيقول... هتروحي الشركة النهاردة
سهام بهدوء ... هلبس وهحصلك
هز راسه هو كمان بهدوء وراح يتحرك
مالك ياصالح
كان حاطط ايده علي قلبه قال .. مش عارف
سهام قامت بخضة لما لاحظت تعبه وقالت... اطلب الدكتور
صالح... لا مش مستاهلة
سهام بقلق... انت شكلك تعبان..انا هطلب الدكتور
سهام... طب خليك النهاردة متروحش الشركة
صالح... متكبريش الموضوع. انا كويس
وباس راسها وخرج
......
في المستشفى
كان واقف امجد مع الدكتور وهو بيبص علي امه بحزن من خلف زجاج العناية المركزة
كانت في السرير نايمة لا حول ليها ولا قوة لا بتحرك ايد ولا رجل بعد صډمتها في بنتها جتلها جل طة علي دماغها ادت ل شلل كلي
الدكتور... للاسف هي جالها شلل كلي مهما عملنا جلسات وعلاج مش هيكون في اي تحسن غير بسيط
امجد... يعني مش هينفع في حالتها العلاج الطبيعي
الدكتور.... احنا هنحاول. بس صعب ترجع حتي تقعد علي كرسي
امجد... احنا ممكن نسفرها بره
الدكتور.... صدقني هنا زي بره
عند حورية كان كامل راحلها
وهي قاعدة قصاده بعد ما قالها بحذر علي اللي عايزه موسي
ردت عليه وقالت بعصبية... وهو فاكر نفسه ايه.. قوله ياعمي اني مش موافقة. هيعمل ايه يعني. هو فاكرها سايبة
كامل.... يابنتي هو هيتجوزك علي سنة الله ورسولة
حورية بسخرية... ويطلقني تاني يوم صح
كامل... هو مقالش كده
كامل..يابنتي موسي دا قادر. مفيش حد في البلد بيستجري يكسرله كلمه. ومادام حطك في دماغه هيوصلك. انا خاېف عليكي يابنتي
......
زكريا وكريم قاعدين في معرض الاخشاب بتاعهم فجاة تليفون زكريا رن وكان عاصم اللي اول ما رد عليه قاله بلهفة... لاقيته
عاصم.... الواد سافر بره مصر . شكله هرب ياحج
زكريا قام وقف... يعني ايه هرب
قام كريم وقف هو كمان
عاصم.... ملوش اثر في البلد.. وبعد ماسألت عرفت انه ساب البلد و سافر من من يومين .. كمل بتوعد بس متقلقش هجيبه ولو في بطن امه
قفل معاه وكريم قال.... هرب
عمه هز راسه
كريم پجنون وڠضب ... دانا ابعتله عزرائيل ياخد روحه لو راح المريخ
....
خرجت سهام من الفيلا بتفتح عربيتها قاطعها رنة تليفونها
بمجرد ماردت جالها صوت السكرتيرة الباكي وهي بتقول بحذر... سهام هانم.. صالح بيه تعب واتنقل المستشفى
سهام.... اييييه. مستشفى ايه
وركبت عربيتها بسرعة واتحركت بيها علي المستشفى بعد ما السكرتيرة قالتلها علي اسمها
.......
....
وصلت سهام المستشفى وقربت عليهم كان ولاد جوزها واقفين بمجرد ما شافوها بقو يبصولها پغضب
اتجاهلتهم وبصت للراجل بتاع جوزها وقالت بقلق... طمني ياعصام. صالح جراله ايه. ايه اللي حصل
لسه هيرد قاطعهم خروج الدكتور
كلهم بلهفة... طمنا يادكتور
نزل الدكتور راسه بحزن وقال.... البقاء لله
......
حور نايمة في السرير وهي حاضنة صورة يوسف
دخلت مامتها لقتها بالوضع ده لابسة سويت تيشرت يوسف وحاضنة صورته
اتنهدت بحزن عليها وقربت قعدت
