روايه سماء الرعد بقلم منال عباس كامله
سوداء
وفتحت الدولاب ببطئ ووضعت الشنطه وخرجت بسرعه وأغلقت الباب
سما اه يا بنت الايه يا ترى بتخبي ايه فى دولابي
أغلقت الباب من الداخل بسرعه
وفتحت الدولاب وأخرجت الشنطه من الدولاب
بس هو مقفول
جريت سما وفتحت الباب ل ندى وادخلتها وأغلقت الباب
ندى بذهول سما ..انتى ازاى عرفتى تتحركى وكمان تقفلى الباب
أشارت إليها سما بأن تخفض صوتها
ندى بفرحه مبروك حبيبتي
أشارت لها سما إلى تلك الحقيبه واخبرتها ما فعلت
سوزى
ندى يا خبر ايه دا اكيد هى عايزة تعمل مشاكل ليكى مع رعد واتصرفت كدا لأنها فاهمه انك مش بتشوفى..
سما ايوا فعلا
ندى طب اتصلى على رعد واحكيله
سما مش هينفع ..
ندى باستغراب ليه !!
سما اصل رعد ما يعرفش انى رجعت اشوف
سما مش عارفه كمان عايزة اتاكد من حبه ليا
ندى ربنا يستر ..بس انا كدا قلبي مش مطمن
المهم هتتصرفى ازاى مع سوزى دى
سما ولا حاجه هخليها تنجنن
ندى حلاوتك احبك وانتى دماغك شغاله ..
قامت سما بإحضار الشنطه وأخرجت الصور وقامت بتمزيقها ثم حرقتها ..فلم يتبقي اثر لتلك الصور..
ثم أحضرت بعض الأوراق من المجلات ووضعتها بدل من الصور ..ثم وضعت الحقيبه مكانها
سما يلا بينا وطلبت من ندى بإغلاق الحجرة بالمفتاح..
نزلوا الى الاسفل
كانت سوزى تجلس بالاسفل وهى تنظر إلى سما بشماته
سوزى متحدثه لنفسها هانت يا سما .النهارده هتنطردى ..طرده الكلاب. .
رن هاتف سوزى
سوزى بارتباك أخذت الفون وذهبت الى الحديقه
سوزى ايوا حبيبي
سوزى اووووى ونفذت كل اللى قولت عليه
الصور بجد اللى يشوفها عمره ما يصدق أنها متفبركه ..عملتها ازاى دى
المتصل عيب عليكى ..هو انا اى حد
سوزى بضحك علشان كدا بمۏت فيك . .
المتصل يلا بقي ابعتى رساله من الخط اللى بعته ليكى ..خلى رعد يجى يشوف زوجته المصون
سوزى هو دا اللى هيخليه يطردها بلا عودة
المتصل اه طبعا حبيبتى
يلا سلام
وضعت سوزى الخط الجديد فى هاتفها
وقامت بإرسال رسالة إلى رعد
شوف زوجتك المصونه بتخونك .والدليل هتلاقيه فى اوضه نومك يا سيد الرجاله
وصلت الرساله الى رعد ولكنه كان منشغل جدا ..فلم يفتح الرساله
عند سما
قامت ندى بمساعدة سما على
سما رعد قال إن والده هيجى النهارده
تعالى اختارى ليا ملابس كويسه
وجهزينى عايزة اشرف رعد
ندى طبعا يا حبيبتى انتى تشرفى اى حد ..مفيش فى جمالك ولا ادبكمش زى الناس اللى بترمى چتتها .وضحكا سويا فكلاهما يعرف أن سوزى تقف وتختبئ كى تسمع حديثهم .
صعدت الفتيات إلى الأعلى
ندى عايزة تلبسي ايه
وفتحت الدولاب فكان ملئ بالملابس الباهظه
سما عايزة أبهر رعد ..
ندى يا جمالوووو .يبقي سيبي نفسك ليا
وأخذت صديقتها ووضعت لها الميك اب
وجد فتاة تجلس وكانت رائعه الجمال
..لم يصدق عيناه
رعد سمااااا!!!!!
سما رعد انت جيت
رعد ايوا حبيبتى .ايه الجمال دا كله
سما يعنى عجبتك
رعد عجبتينى ايه دا انتى ابهرتينى بجمالك
كانت سوزى تستمع إلى حديثهما. وتكاد أن تجن
كانت تنتظر
أن يعود رعد بثورته لطردها ..ولكنه يغازلها ..
فى نفس اللحظه رن جرس الباب
فكان القادم
زهران باشا التميمى والد رعد
قام رعد بامساك سما
زهران بإعجاب بسم الله ما شاء الله
ايه الجمال دا كله عرفت تختار يا رعد
تضايقت أكثر سوزى
سوزى ما تفرحوش اوووى كدا بجمالها
تعالوا معايا وانا اعرفكم بحقيقتها
رعد انتى اتجننتى
سوزى اتفضل يا اونكل معايا وشوف بنفسك
صعد الجميع إلى الأعلى
كانت ندى تساعد سما على الصعود وهى تضغط على يدها لتطمئنها
فتحت سوزى الحجرة وأخرجت الشنطه السوداء
يتبع
الحلقة العاشرة
بعدما أنهت ندى حديثها مع عمرو خرجت للذهاب
إلى المطبخ لإحضار زجاجه المياه .
بعدما احضرت الماء وخرجت من المطبخ ..وجدت سوزى تتسحب وتخرج خارج الفيلا خرجت ورائها ..دون أن تشعر سوزى بأنها تراقبها .
وقفت ندى وراء شجرة تراقب سوزى
سوزى وحشتنى اوووى يا
شهاب وانتى اكتر
سوزى قولى بقي جيت علشانى ولا فى حاجه
شهاب طبعا علشانك يا حبي ..وبالمرة خودى الكيس دا وحطى ليها فى الاكل اول ما رعد يخرج للشغل ..
سوزى هو ايه دا
شهاب دا منوم تأثيره قوى
واول ما تنام هبعت ليكى واحد هيجى ياخده
وبقيه الخطه انا هكملها
سوزى يا ساتر اخيرا نخلص منها
شهاب قولت ليكى هانت ..يلا بقي ادخلى قبل ما حد يشوفك
سمعت ندى كل هذا
الحديث
ندى اه يا ولاد الكلب ..
وانتظرت دخول سوزى وانصراف شهاب
وعادت إلى الفيلا منتظرة الصباح كى تخبر سما
مر الوقت وأتى الصباح
عند رعد
رعد صباح الخير حبيبتي
سما وهى ترى الحب فى عينيه تريد أن تخبره أنها تراه ولكن هناك ما يجعلها تتردد
سما صباح الخير حبيبي
رعد نمتى كويس
سما اه جدا بيحسسنى بالأمان
رعد بابتسامته كلامك بيأثرنى يا سما
سما رعد
رعد عيون
سما بتحبنى وانا بظروفى دى مش هتزهق منى
رعد عمرى ما ازهق منك انتى يا سما نفس ظروفى الصعبه
سما باستغراب انت ظروفك صعبه !!
رعد هحكيلك
فلاش باااااااك
رعد الف سلامه عليكى يا ماما
حنان اسمعنى يا رعد ..خلى بالك من نفسك يا ابنى ..وما تزعلش من والدك ..هو حر فى اللى عمله
رعد مستحيل اسامحه على اللى عمله ..
حنان دا حقه
رعد حقه !! يروح يتزوج عليكى ..ومش بس كدا
يتزوج بنت اد ابنه
وهو عارف ان البنت دى كنت هتقدم ليها .
حنان يا ابنى انا مسمحاه .. والبنت دى عرفت تلف بيه ..علشان ثروته
رعد مش هسامحه ابدا
حنان بالم اوعدنى يا رعد ترجع تكلمه
خلينى ..اموت وانا مطمنه يا ابنى
عودة من الفلاش
رعد وماټت امى وسابتنى ..وڠصب عنى كلمت والدى تانى علشان وصيتها
لكن عمرى ما نسيت غدرهم ليا ولوالدتى
اللى ماټت بحسرتها ..
انا وانتى يا سما اتظلمنا فى الدنيا مع أن مفيش حد مننا كان ذنبه حاجه
خلونى أفقد ثقتى فى كل البنات وخصوصا أن كان كل البنات حواليا بيقربوا علشان اخد مزاجى منها مقابل شويه فلوس
وزى ما شوفتى كدا سوزى ..تبقي بنت صديق والدى ..
وأصرت أن يكون فى علاقه بينا كتير بعدت عنها ورفضت ..لكن هى استغلت ضعفى يوم وكنت شارب كتير ..وسلمت نفسها ليا
والمفاجئة أنها ما كنتش بنت
ووعدتنى وهى بتبكى ومڼهارة أنها حد ضحك عليها وطلبت منى استر عليها
وموافقه تعيش العمر كله معايا مقابل انى ما افضحهاش..
وبعدها على طول .توفى والدها ..وأصبحت ملهاش حد
من جوايا كنت حاسس ان فى حاجه غلط في البنت دى وقررت اراقبها
وبالفعل اتاكدت أن كل كلامها كدب
وانا اكتر حاجه فى حياتى اكرهها هى الكدب
شعرت سما بالخۏف فالبرغم من حبها له وتعلقها به
فهى تكذب عليه هى الأخرى
اكمل رعد حديثه
رعد وفجأة جات قالت انها حامل منى
وطبعا انا واثق أن دا من ضمن كذبها
وحاليا انا مراقب كل تصرفاتها من غير ما تحس
سما يااااه يا رعد كل دا استحملته
رعد وانتى كمان استحملتى كتير يا سما
وربنا بعتك ليا فى الوقت المناسب ..علشان افوق
لان تصرفاتى كانت غلط
وربنا قادر يكتب هدايتى على ايديكى
سما ربنا ما يحرمني يا رعد
رعد هقوم اجهز علشان الشغل
وهنزل ابعت ليكى ندى ..وخلى ندى ديما
تكون عينيكى..انا عارف أن سوزى عايزة تتخلص منك
بس اوعدك ..فى أقرب وقت هخرجها من حياتنا
سما ما تقلقش عليا
قام رعد واستبدل ملابسه وخرج للعمل
صعدت ندى إلى سما
ندى تعالى يا سما بسرعه واقفلى الباب
سما مالك يا ندى فى ايه قلقتينى
ندى امبارح خرجت علشان اشرب لقيت سوزى بتخرج الجنينه
..مشيت وراها ولقيت دا شوفى
اخرجت ندى هاتفها فقومت مصوراها وهى مع الشاب دا
سما باستغراب شديد معقول !!
قصت ندى لها كل ما حدث بالأمس
وأنها تريد تنويمها كى يقوموا باختطفها
سما بس الشاب دا انا شوفته قبل كدا
ندى شوفتيه قبل كدا ازاى وفين
سما وهى تحاول أن تتذكر
سما شوفته عند .
يتبع
الحلقة الحادية عشر
بعد مغادرة رعد إلى عمله ..صعدت ندى بسرعه إلى سما وأخبرته عما حدث بالأمس وقامت بتصويره
سما بذهول بعدما رأت صور ذلك الشخص
سما بس الشاب دا انا شوفته قبل كدا
ندى شوفتيه قبل كدا ازاى !!!وفين !!!
سما شوفته عند حمديه ..
كنت راجعه من المدرسه بسرعه علشان اخد المناديل ..وانتى عارفه لما بنتاخر بتعمل فينا ايه
جريت على الاوضه اللى فيها المناديل وغيرت هدومى بسرعه ..وانتى كنتى واقفه منتظرانى فى الشارع
فلاش باااك
الشاب بقولك ايه انا عايز بنت من البنات اللى عندك فى خدمه
حمديه خدمه زى ايه ..وكله بتمنه
الشاب عايزها توقع واحد صاحبي ..
حمديه للاسف البنتين اللى هنا خيبه بعيد عنك
والباقي صغيرين ..
بس هقولك على واحد يدلك على بنت تنفع للشغل دا
الشاب طب قولى
حمديه لا لما تدفع الاول
الشاب خدى اللى انتى عايزاه
عودة من الفلاش
كنت واقفه اسمع وخاېفه تخلى حد مننا يروح معاه
ندى تفتكرى الشاب دا كان بيتفق على رعد
سما مش عارفه الحقيقه
ندى المهم
خلينا نفكر هنتصرف ازاى .مع موضوع المنوم ..كمان لازم ..نكشف سوزى دى على حقيقتها
سما من كلام رعد حسيت أنه بيشك فيها
ندى حلو اووووى ..اقولك تعملى ايه .
نزلت الفتيات للاسفل
وجلسوا على مائده الطعام لتناول الإفطار
حضرت سوزى وطلبت من الخادمه تجهيز لها طبق من البيض هى الآخرى
كانت ندى وسما يراقبون تصرفاتها
جلسوا الثلاثه
قامت سوزى بطلب الماء من ندى
ندى وانا مالى ما عندك الخدامه
سما خلاص يا ندى ..علشان خاطرى هاتى ليها المياه ..وكله لوجه الله ..علشان حملها
ذهبت ندى لإحضار الماء
بينما وضعت سوزى بعض من البودر الموجود فى الكيس واستبدلت الاطباق بينها وبين سما
حضرت ندى ومعها الماء ولكنها أوقعته بقصد على سوزى
سوزى بعصبيه مش تفتحى
ندى خيرا تعمل شړا تلقي
استغلت سما انشغال سوزى بملابسها واستبدلت الاطباق مرة أخرى
جلس الثلاثه لتناول الإفطار
وبعد عده دقائق
نامت سوزى على الفور
ابتسمت ندى وسما
وذهبوا إلى حجرة المكتب لمراقبه ما سيحدث
وجدوا أحد الأشخاص يدخل من باب الفيلا
حيث تركته سوزى مفتوح عن قصد ..
قام بحمل سوزى وخرج بسرعه ..
كانت. ندى تصور كل شئ
خرجت الفتيات من حجرة المكتب وصعدوا لحجرة سما
سما انا خاېفه اوووى يا ندى..تفتكروا هيعملوا فيها ايه
ندى يعملوا اللى يعملوا ..من حفر حفرة لأخيه وقع فيها ..وهى اللى كانت ناويه تأذيكى ..والبادى اظلم
سما بس انا قلبي مش مطمن
ندى يا بنتى ريحى نفسك ..فرصه تعيشي يومين مع زوجك وهى مش موجوده
سما انا زعلانه من نفسي علشان بكذب على رعد
ندى الحقيقه يا سما ..هو ما يستحقش منك كدا
حاولى بأى طريقه وفى أقرب وقت تعرفيه
سما أن شاء الله هحاول
عند رعد فى الشركه
يتصل عليه صديقه حسام
حسام الو
رعد ابن حلال كنت هتصل عليك
حسام بضحك ماشي يا سيدى
رعد هه فى جديد
حسام ايوا
رعد طب قول بسرعه منتظر ايه
حسام اللى عرفته أن سما وندى يبقوا اخوات بالفعل واتخطفوا فى نفس اليوم من نفس المكان
كانوا مع الداده بتاعتهم فى الجنينه كان كل بنت فى عربيه الاطفال بتاعتها
وانشغلت الداده فى الكلام مع زوجها
وجات العصابه سرقه البنات
واختفوا
وباعوهم فى نفس اليوم ل حمديه
كانوا لسه اطفال صغيرة
وحمديه طبعا عملت ليهم شهادات ميلاد مختلفه عن اسمائهم بس
